كيفية انشاء مزرعة فيرمي كمبوست

                           كيفية انشاء مزرعه فيرمي كمبوست

السلسله الاولي ازاي تعمل مزرعه علي قد فضلاتك في بيتك البوست دا خصوصا لسكان المدن والريف اما لوعاوز تعمل مزرعه كبيرة فاقرأ دول دلوقت وهنزلك بوستات بعدين..

1) حضرتك مطلوب منك تجهز وعاء دا ممكن يكون اي عدايه فاضيه وتفرش فيها شكاره او خيش عشان الدود ميهربش مثلا او تجيب جردل وتعمل فيه ثقوب عشان يكون سهل التصريف و المايه متقفش وتضر الدود ويساعد في التهويه برضو وعمقه ميزيدش عن35cm

ووعاء تاني تحت اول وعاء علشان تجمع المايه الل بتنزل الل متقلش اهميه عن الفيرمي نفسه

2) مصدر للكربون ودا حضرتك تجيب اي كرتونه بس حاول تبعد عن الكراتين الملونه تجيب كرتونه البيض مثلا وتقطعها حتت صغيره وتحطها في المايه لمده يوم وبعدين تحطها في الوعاء الل انت حضرته علشان الدود وبديل الكرتون دا لو مش متوفر عندك بيبقي ورق شجر ناشف دا فيه نسبه عاليه من الكربون ونسبه نيتروجين برضو .. حتي انت لو جيبته سيبه يومين هينشفو بعدين حطه في مزرعتك

3) اي بواقي خضار او فاكهه عندك او اي حاجه منهم بايظه او قشرهم قطعهم وحطهم في المزرعه بس تبعد عن الحااجات دي

اللحوم والعظام والدهون وأي شيء دهني

منتجات الألبان بما في ذلك الزبدة والقشدة الحامضة والحليب والبيض كله والجبن.

الصلصات المعلبة، زبدة الفول السوداني وغيرها من المواد الغذائية المصنعة.

الأطعمة الحمضيات مثل الليمون والليمون والبرتقال.

البصل والثوم.

الأطعمة الغنية بالتوابل مثل الفلفل الحار.

المواد التي تم علاجها مع المبيدات.

البلاستيك، المعادن، الزجاج أو غيرها من البنود غير القابلة للتحلل.

الصابون ومشتقاته

الورق الذي يحتوي على النهاية اللامعة أو الحبر الملون

السم، اللبلاب، البلوط أو النباتات السامة الأخرى.

وممكن تستخدم فضلات طيور او مواشي او ارانب وهنعرفك تحضرها ازاي بعد كدا..

ولازم تراعي ان نسبه الكربون (الكرتون) الل موجود80% والمواد النيتروجينيه (المخلفات العضوية)20% دا النسبه بينهم بس ...

وبعد كدا تجيب العشر دودات او اي كمية صغيره تحطها .

وبعد كدا ينتج معاك فيرمب بتستخدمه سماد عضوي في زراعه اي حاجه لو انت مهتم بزراعات الاسطح او عندك ورد في بلكونه ودا تأثيره كويس جدا علي الورد وبيديك محاصيل organic كلها من غير اي كيماويات..

الحاجات الجايه دي لازم تعملها كويس...

بص بقي لازم تخلي بالك جدا من الرطوبة تبص عليها باستمرار ولو محتاجه تترطب خلي معاك بخاخه ومايه تميل للبروده ورش شويه بس مش كتيير يعني رش 3 مرات في اليوم بس مترشش كميه كبيرة مره واحده..

تاني حاجه لازم تخلي بالك متكترش في كمية الاكل المحطوطه خليها نناسبه للدود يااما الدود هيهرب منك علي الجوانب..

بالنسبه لاي حشره خارجيه فخطره جدا ولازم ترش حاجه تمنع وجود النمل في الارض او والصراصير واي حشره.. كمان غطي الوعاء الل عندك بسلك او خيش او اي حاجه متكتموش عشان مفيش حاجه تدخله بس وتموت الدود..

خلي بالك الدود بياكل نصف وزنه وبينتج ربع وزنه